Hæ sætu skvísur, jæja þá er farið að styttast allverulega í páskana og ég ætla að koma norður og hafa það kósý. Ég, Steinunn, Fjóla og Elín vorum að spá hvort við ættum ekki að reyna að hittast kannski og fara út að borða. Greifinn er alltaf góður þannig að það væri geggjað gaman ef við myndum nú skipuleggja almennilegann bjútíbombuhitting. Vá pæliði samt í því, það eru 4 ár síðan við vorum í Ungfrú Norðurland!

Endilega látið vita hverjar komast ef það er enn einhver sem les þessa síðu

Jæja þá er litla krúttið þeirra Elínar Rögnu og Gísla komið í heiminn. Þetta var myndarstrákur sem kom í heiminn 2 vikum fyrir tímann eða nánar tiltekið 10.janúar. Hann er með síðu á barnalandi http://barnaland.is/barn/54904/. Hann er algjör gullmoli og óska ég Elínu og Gísla innilega til hamingju með hann :*

Knús og kossar frá Helgunni

P.s. Stelpur er þessi síða alveg dauð? Hvað varð um allar færslurnar sem þið ætluðuð að setja hérna inn!!! Hvað segiði svo um hitting á næstunni, er enginn stemmari fyrir því kannski.

Kveðja,

Palli sem er einn í MissNorth03 heiminum!

Það var æði að hitta ykkur í gær á Vegamótum elsku stelpurnar mínar Þótt við höfum verið svona fáar var það ekkert verra! Þetta var bara hrein snilld Við erum svo skemmtilegar líka

Reynum að heyrast aftur sem fyrst!

Knús og góða helgi

Jæja stúlkur mínar eigum við ekki að reyna að hittast fljótlega þær sem eru hérna í borginni? og ef einhver að norðan kemur suður væri gaman ef sú hin sama kæmi líka Þið eruð velkomnar heim til mín á Álftanesið en nú er bara málið að finna góðan tíma sem hentar öllum þannig að endilega commentið og segið hvaða dagur vikunnar myndi henta ykkur best! Ég er yfirleitt að vinna öll þriðjudags og miðvikudagskvöld þannig að fimmtudags, föstudags, laugardags og sunnudagskvöld henta mér langt best!

Sælar stúlkur!!!

Netið er búið að vera eitthvað leiðinlegt í dag þannig að það hefur ekki verið hægt að fara inn á þessa síðu!!

...en planið er að hittast á Greifanum kl 20:30 í kvöld, ég, Elín Ragna og Helga Björg mætum allavega!! Endilega allar að koma sem geta

Elín Ragna ætlaði líka að senda sms á allar, ekkert víst að allar kíki hingað inn

kveðja. Magga tagga

Hvernig væri að það færi einhver annar en ég að setja færslu hérna inn!?! Þið eruð slappir bloggarar stelpur!! Steinunn, Fjóla, og Kristbjörg eru einu sem hafa sett eitthvað hérna inn þannig að .... koma svo stelpur!

Ég hitti Elínu mína á föstudagskvöldið og við vorum einmitt að ræða þennann hitting okkar sem áætlaður var í ágúst. Hvernig hentar ykkur að hittast helgina eftir versló á Akureyri? Það væri nú alveg hreint geggjað að hittast og taka einsog eina gönguæfingu eða svo til að ryfja upp góða tíma hehe eða kannski bara sleppa því og fara út að borða eða eitthvað þannig? Vildi nú ekki ákveða neitt hvað yrði gert en bara að athuga hverja gætu séð sér fært að mæta.

Farið svo að blogga stelpur, maður veit ekkert hvað er að gerast hjá ykkur þessa dagana. Ég er sjálf bara að vinna í KB banka og verð þar áfram í vetur þar sem ég er búin með viðskiptafræðina í HR og er bara mjög sátt að vera þar. Annars ekkert annað að frétta, ég er ekki ólétt eða komin með barn eða neitt þannig þannig að ég er voða óspennandi.

Kossar og knús,

Helga Björg.

Jæja stelpur held það sé kominn tími á litla færslu og er hún í tilefni HM. Ég horfði á úrslitaleikinn í gær og hélt að sjálfsögðu með Frökkunum og greyið Zidane  vorkenndi honum nú frekar mikið að fá rautt þótt hann hafi nú átt það skilið! En nóg um það, þótt ég hafi haldið með Frakklandi þá segi ég nú bara "HVERNIG ER HÆGT AÐ HALDA EKKI MEÐ ÞESSUM DÚDDUM Í ÍTALSKA LANDSLIÐINU" ÚJE BABE segi ég nú bara!!!

Læt myndirnar tala sínu!! Slef slef

Hellú

Henti inn nokkrum myndum af okkur sem ég fann!!

Á samt að eiga mun fleiri, man bara ekkert hvað ég gerði við diskinn með þeim öllum Á líka slatta af myndum í almbúmi, ekki tekið á digital. Spurning um að nenna að skanna þær inn kannski. En ég bjó til tengil hérna til hliðar einhversstaðar fyrir okkur til að steja inn myndir.

Kíkið á þetta

Kveðja

Kristbjörg

Hæ elsku fallegu stelpurnar mínar tíhí hvað segið þið gott? eigið þið einhverjar myndir frá keppninni eða undirbúningnum ? ég á alveg örfáar frá kvöldinu sjálfu langar svo að eiga fleiri myndir...

en hér er smá sýnishorn af þeim myndum sem ég á 

Hérna erum við rétt fyrir krýningu 

Ég og Steinunn he he he

Kjólaatriði úfff man ennþá hvað ég var stressuð..

Vona að þið eigið einhverjar myndir elskurnar

Fjóla

Jæja skinkur hvað segiði þá?
Það ætlar engin að ríða á vaðið hér á bæ, svo ég hendi nú inn nokkrum línum hér.

Af mér er að frétta það að ég kláraði 1 ár í félagsráðgjöf núna seinast, en ákvað nú að breyta til og skella mér í geislafræði.. hemmm. Ég ætla spreyta mig á líffræðinni og sjáum hvað ég get í því. Muhhah..
Annars er ég að vinna á flugvellinum í sumar og það er eintóm gleði.

En nóg um það, segið mér, hverjar verða hér í sumar og hverjar ekki? Það er nú spörning um að fara þá að skipuleggja SKRALL með heitustu lummum bæjarins   Skella sér á veitingarhús og drekka öl (nú eða kók) ? Hvað segiði um það geiturnar mínar?
Ég hef nú ekki frá miklu að segja.. en ég luma þó á einum brandara í lokin:

Kona nokkur og karl voru út á landi að keyra. Skyndilega keyrir karlinn á skunk sem skýst í veg fyrir bílinn. Þau vorkenndu honum svo mikið að þau ákváðu að taka hann með í bílinn. Eftir dágóða stund sér konan að skunkurinn er farinn að skjálfa,
Hún segir við karl sinn: ,,greyið litla, honum er svo kalt að hann skelfur".
Þá segir karl: ,,settu hann þá milli lappanna á þér góða til að hlýja honum"
Konan: ,,En hvað með lyktina"
Karl: ,,haltu bara fyrir nefið á honum".

KVEÐJA
Steinunn

Hæ allar fegurðardísirnar mínar. Það hefur verið ætlun mjög lengi að opna bloggsíðu svo við getum fylgst með hvorri annarri þar sem við höfum margar hverjar ekki hittst síðan ég veit ekki hvenær. Við Elín Ragna höfum rætt þetta lengi og því er löngu kominn tími á þetta hjá okkur. Hitti Ingu Gerðu þarsíðustu helgi og henni leist bara svaka vel á þessa hugmynd þannig að ég ákvað að vera í forsprakki fyrir þessu og stofna síðuna   Hitti einmitt Helgu Guðrúnu líka í Kringlunni í dag

Það væri æði að vita hvar þið eruð allar uppkomnar og hvað er að gerast hjá ykkur. Ég var t.d. að klára viðskiptafræðina í HR í síðustu viku og útskriftin er 10.júní! Þannig að ég er orðin viðskiptafræðingur Frekar fyndið hvað maður er orðinn gamall eitthvað. Svo eru nú þvílíkt margar komnar með börn og buru hef ég heyrt sem er bara ekkert annað en frábært

Það væri líka gaman að hitta ykkur allar sem fyrst þannig að ég hlakka bara til að heyra af ykkur öllum sætu mínar. Kvittið endilega fyrir komu ykkar hér inn.

Love úr borginni.

Helga Björg.